Fái
moitos anos -(contabame moi serio o tio Chuco)- unha noite de San Xuan, fomos
sacal-o encanto da Pedra Furada.
D. José,
que facía coma sempre de mestre de cirimonias, tiña con tempo todol-os
matraquillos porparados: a estola, o libro de San Ciprián, desconxuros, pelos
de can solteiro, cera virxen...
O filo da
medianoite, todos arrededor da Pedra co-a faldra de fora, como está mandado, D.
José dando golpes d-estola á direita é esquerda, ún lendo no libro, outros
facendo defumazos, e ou riscando no chan, co-a vara d-acibiño, os trece circos
de S. Salomón, asomou unha cabeza pol-o buraco da Pedra, pasou dispois o corpo,
e un personaxe descoñecido, de levita e cartola, ollos acesos, e barbas de
chivo, plantouse no medio do curro.
Eu sempre
fun valente, mais d-aquela arripióuseme o cabelo, pegóuseme a lingua a o ceo da
boca e fuxiume a fala, ó fixarme en qu-os pes tiña de cabro, do chapeo saíanlle
dos corniños ben xeitosos, e nas faldretas dibuxábaselle craramente a rabo: era
o mesmísimo Dargas en persona.
¿Qué me
queredes? –inquiríu con voz de trono-. Ay Xesús. Dios mío, suspirei.
Resoou,
n-estre intre, un estrondo medoño, o demo desapareceu antre labaradas de fume
ardente, e unhas mans peludas, saídas de non sei d-onde escomenzaron a repartir
tales sopapos de lume, que cada ún podía deitar un boi.
Sin darme
conta, tolo, esquecido o encanto,
corrín desbocado Monte abaixo, o suor empapábam-a roupa, faltábam-o alento e
sentía correr xa a sangre pol-as pernas... ¡Ah del Rey! ¡que morro! Poiden
berrar.
Relembro
somentes a voz de D. José: “Ay compañeiros o tio Chuco que mal cheira” –e caín
sin vida, reventado da arca.
Non podo
creer nada d-eso, interrumpinlle bulron, mais a sangre... non sería sangre tio
Chuco, , a ver si co medo...
Cala,
rapás, berroume o tempo que me botaba unha ollada de fogo, non confundas o
civil co criminal; ti non tes fé, mais con todo, no Monte de Santa Tecla, na
Pedra furada, hay un encanto, si
señor, un encanto.
Julio de
1950. Ignacio de Altamar.
Publicado no libro das Festas do Monte de 1950
No hay comentarios:
Publicar un comentario